Sar kotor andar i kampania Barikane Roma Slobodo Evropa, o bulgarikano partenero Roma Standing Conference thodjas pes te informisarel le romen ko lokalo nivelo thaj te zorjarel len te thon pen ando nacionalo manušengo ginavipe.
Karing 50 aktivisturja phiren andi sasti Bulgaria ande strategikane thana kothe kaj šaj te thon andre le romen po than. Dži akana e aktivisturja xulavde lila thaj plakate pe savende si thode mesadžurja kaj phenen sode vašno si te thon pen ando ginavipe thaj save procesurja anel kado, e aktivisturja gele ande forurja thaj gava, sar si o Bracigovo thaj Parvomay kaj si ando sudo, ando Sandanski kaj si ando sud-vesto, andi Dupnitsa, Kyustendil, Scravena thaj Botevgrad kaj si ando vesto le themesko, ando Medkovets thaj Vratsa kaj si ando nord-vesto le Bulgariako thaj ando Sliven kaj si andi estikani-centralo Bulgaria, kothe kaj bešen e maj bare romane komunitete.
Le manušengo ginavipe kerel pes jekhvar ke deš berša thaj akana sas buxljardo dži ko 10-to oktomvri. I Roma Standing Conference khetanes le kampaniasa Barikane Roma Slobodo Evropa akharen savore bulgarikane romen te deklarisaren pengi romani identiteta barikanes thaj slobodo.
Maj but informacie pal le manušengo ginavipe šaj arakhen kathe: census2021.bg.
