Karikaturengi kompeticia andar e Romane Artistja
Kaj te das duma palal o anav e gesesko kana e roma uśtile mamuj e naziztja and-o Auschwitz po 16 maj 1944, and-o dives e rezistenciako e romengi, o Evroputno Romano Instituto vaś e Arte aj Kultura (ERIAC) putrel jekh internacionalo / maśkarthemutni kompeticia andar e romane vizualo artisturja grafikano dizaineruja, aj talentujime dźene saven akharel len te traden penge butja – bangjarde partreturja (karikaturja), angarnesa partreturja aj paramića and-e imaginea. Si miśto avile e butja save len and-o dikhimos orta sar satira i politikani rig, maren muj e akanutne vaj e nakhle politikane evenimenturendar vaj bićhalen karing varesave socio-politiko fenomeno and-e asaipnasko ćhand.
Jekh komiteto kerdo andar akanutne artisturja, prindźarne media eksperturja, alosarela 10 artisturja andar i finalo ekspozicia. E artisturja avena akharde te sikaven penge butja and-i ekspozicia katar ERIAC Berlino aj fiesaveske avela dine po 300 euro sar pokin. E alosarde artisturja trebal te traden / bićhalen e originalo butja (A4 barimos) k-o ofiso katar o ERIAC Berlinostar dźi k-o jekh-to mai 2021.
Ame rodas grafikane butja, skećurja, angarnesa partreturja thaj aver kaj si len zor te sikaven jekh politikani kauza, jekhe asaipnasko, satiriko aj socio-politiko mesaźosa. Rodas jekh zoralo vizualo impakto savo sikavel o buhlimos e relaciako maśkar o guvernurja aj e roma, i Evropoa, e minoriteturja aj e maźoriteturja, e Evroputne demokracie, sar e roma kamen te keren korkore pengo trajo, o vestimos e mediako, romani demografia, o gininimos e manuśengo vaj orsavo aver politikano aspekto andar o akanutno / kontemporano trajo e romengo.
KON ŚAJ AVEL ANDRE
Artistja save von phenen palal pende ke si rom.
SAR ŚAJ AVES ANDRE
Mangas tutar te bićhales / trades amenge p-o amaro email, tiri artistikani buti, o artistikano statuto vi tiri tikni biografia. I aplikacia trebal hramosardi anglikanes aj bićhaldi ande jekh emailo, k-i adresa eriac@eriac.org, savo te na avel maj baro desar than 2 MB. Mangas tumendar te hramosaren sar anav e emailosko “Caricature Competition“.
DŹENE ANDA-I KOMISIA
Emília Rigová (contemporary artist, Barvalipe Academy member, head of Roma Arts and Culture Department at University of Matej Bel in Slovakia)
Lela Savic (founding editor of La Converse and Svato, the Quebec chapter lead of Canadian Journalists of Colour )
Jake Bowers (British Romani journalist, producer, media teacher and filmmaker)
DŹI KANA ŚAJ TRADEN I APLIKACIA: 18 avrilo 2021
Dźi kana treb ul te traden e artistikane butja k-o ERIAC andar i ekspozicia : 1 maj 2021
Andar i istoria e politikane karikaturengi
O jekh-to karikaturengo prototipo daśtisaras te arakhas les and-i purani Grecia, kaj e Devela sas dikhle maj sigo sar subiekturja desar sar politikane liderurja. O geno inklisto and-i duj-to rig e medievalo Italia, kaj jekh gin e holjame manuśengo line / astarde te maren muj e oprutne klase e aristokraciake. E maj anglutne politikane karikaturja inkliste and-o jekh-to kotor e 18-to śeliberśesko, kana o anglikano piktoro William Hogarth astardjas te hamil o kriticismo katar varesave socialo fenomene and-e peski artistikani buti; but-var peski satira marelas muj katar i politikani korupcia andar i Britania. I maj prindźardi karikatura e Hogarthoski sas Emblematical Print on the South Sea Scheme (1721), savi sikavel o perimos e bursako kana but anglikane dźene hasarde love. E politikane karikature buhlile maj but and-i Francuzikani Revoluciaqi vrjama (1789-1799) kana o James Gillray aj o Thomas Rowlandson sikavde but dźungales e aktivituren e revoluciake, o Thagar George o III-to aj o Napoleon I. Kadava geno sas ingerdo maj dur kana inklisti i satiriko revista/źurnalo, Punch, hramosardi and-o berś 1841 savi kerdjas prindźarde maj but politikane karikature. I maj prindźardi karikatura sas The Goose-Step (1936), savi sas palal iagale / armaneturja kerde and-i Nazistikani Germania talal o Hitler. Katar o maśkar e śeliberśesko 19, e politikane karikature aresle jekh karakteristika anda e but evropune źurnalurja. Kadava fenomeno śaj te avel hatjardo dikhindoj o buhlimos / i kompleksitatea e relaciako maśkar o guverno aj i societeta, i demokratizacia aj o zorjarimos e vestimasko katar e media. And-e amare divesa, o geno dikhas les sa vrjama and-i modernikani digitalo lumja kaj te marel muj e regimondar aj politikane dźenendar, kaj te arakhadjol jekh dialogo savo śaj te anel pauvimata. And-o romano konteksto, o geno e politikane karikaturengo śaj te keren prindźarde e soćio-politike problemurja, thaj te sikavel inportanto mesaźurja palal e romane politikane aspekturja so sikaven o akanutno romano trajo and-e jekh asaipnasko aj satiriko ćhand.