Si o kurko le Romane Zorako kathe ke Barikane Roma Slobodo Evropa. Si amen jekh programo pherdo iventurja sako dives, dži ko Dives le Romane Zorako ando 16to Majo. Šaj te len kotor ande online Barvalipe vakjarimata pal i Romani Zor kerde ande verver thema thaj vi ande online khelimata pal Romane Eroja, kado web sito si te del informacie pal sar šaj te des pakiv thaj te anes tiri kontribucia ki Romani Zor.
Šela berša romane historiake andi Evropa si pherde paramisja lačhimaske thaj zuralimaske, akana von butivar ačhjon bidikhle thaj bidokumentisarde. De amen vast te arakhas e paramisja pal i Romani Zor te šaj ačhjon e anava amare erojenge andi godi le romane generacienge kaj si te aven!
Kadale lilesa šaj te xulaves e paramisja pal e vašno romane manuša – šundjan palal varesavo rom kaj sas erovo ando maripe vaj partizano? Si varesavi paramisi pal zoralo murš vaj džuvli andar tiri komuniteta? Vaj jekh manuš andar ti familia vaj jekh manuš kaj dživel paš tute thaj leske zorake phiravimata ande tuke inspiracia ande tiro dživipe? Dikh o lil kaj si maj tele te šaj bičhales tiri Romane Zoraki erovoski paramisi.
